TINGGAI KEUNANGAN

beuthat ka putoeh taloe hubungan,
beuthat ka leukang gadeoh seutia,
loen harap sabe bak gata intan, 
beik jeut keulawan geutanyoe dua,

keon seubab uloen na keusalahan,
keon salah intan khianat cinta,
mungkein geutanyoe oeh noe suratan,
yang ta harapkan hana troeh pinta,

kisah yang indah tinggai keunangan,
sabe loen simpan han toem loen lupa,
seumoga adinda lam keubahagiaan,
uroe ngeon malam hudeip seujahtra,

lewat pantoen nyoe haba loen peusan,
soe tu'oeh kadang na roeh ta baca,
meuah keu loen nyoe na keusilapan,
dalam ucapan dalam meu seunda,

indah that cahya bintang lam awan,
tubiet oeh malam leumah u donya,
indah that cinta nyeo na balasan,
beik na paksaan ataupun dusta,

seulamat meupisah seulamat jalan,
ngeon hate lapang ka uloen rela,
moga meuteumeung yang rupa tampan,
yang na keukayaan hudeip meugaya

Karya : Al Azzin