PANTON KEU RAKAN

meuribei bungoeng timoeh lam taman,
teuntei han saban ngeon bungoeng jeumpa,
trimeong geunaseih uloen ucapkan,
keu mandum rakan yang that loen harga,

hayeu ie teubei jeut keu meunisan,
hayeu boeh pisang jeut peugeot bada,
hayeu meuturi jeut ta meurakan,
susah ngeon seunang na pat ceurita,

indah that beuleun cahya lam awan,
indah that bintang oeh malam jula,
indah that gaseih lam persahabatan,
hana meumandang gasien ngeon kaya,

rugoe na geudong meutingkat lapan,
rugoe na sedan mewah ngeon harta,
rugoe that rupa cantek ngeon tampan,
dalam meurakan han saleing seutia,

meuah loen lakei bak mandum rakan,
ateuh karangan yang ka loen tanda,
kadang na salahh dalam ucapan,
mudah~mudahan beik salah sangka,

Karya : Al Azzin