HABA BULAN JEIH

manteong teubayang saboeh seujarah,

manteong leumah sang deuh bak mata,
bak beungeoh minggu buleun dua blah,
teuka musibah han soe eik sangka,

ban lheuh geumpa donya sang beukah,
teuka that bagah geulumbang raya,
meuribei nyaweong geucok le ALLAH,
banggunan meugah hanco dum rata,

ma ngeon aneuk duem yang meupisah,
ladoem ngeon ayah adoe ngeon apa,
gadeoh pasangan ban lheuh meunikah,
han meuhoe arah watei nyan massa,

peujeut jinoe HAi rakan meutuah,
meutamah_tamah ureung hei bala,
lale ngeon donya tuweo keu ALLAH,
siat meu ubah watei lam duka,

laloe meuladoek seutoet lip mirah,
dalam bak lipah hirup narkoba,
na yang maein judi diyueb meunasah,
anggka geuolah hongkong singapura,

kajeut tapiyoeh nibak buet salah,
beik sampe geurah kali keu dua,
ingat tsunami paduem thoen leupah,
ingat keu ALLAH beik kureung aja,

kaseip keuh dilei haba loen kisah,
haba loen peugah meunan kanyata,
asalamualaikum warahmatullah,
loen lakei meuah karoeh loen tanda,

Karya : Al Azzin