ACEH IE MATA

yoeh phoen #meurudu daerah Sigli, 
dudoe teubagi jeut #pidie_jaya,
doa ta lakei bak sidroe rabbi,
peuyang teurjadi teutap beusaba,

munkein teguran keu tanyoe geubi,
mungkein geu uji le yang kuasa,
mungkein siksaan dari illahi,
geupeudeuh dali bak tanyoe hamba,

tujoeh desember poh limeong pagi,
tanoeh seurambi Allah bi bala,
dari bineih glee sampoe u pasi,
bak beungeoh sunyi diteuka gempa,

peukeuh kareuna tan soe paduli,
duem that buet keuji di ateuh donya,
macam buet maksiet larang illahi,
muda ngeon mudi jai kureung aja,

meusum meumabok seurta meujudi,
rampok korupsi peunista agama,
seuhingga lale ka tuwoe keu rabbi,
mukein teurjadi macam beucana,

wahe rakan loen yang ceudah budi,
beutabah hati yang korban geumpa,
moga na hikmah yang cukoep tinggi,
peu yang ALLAH bi teuntei na makna,

Karya : Al Azzin