DARA LOEN SAYANG

loen pandang langeit hana meubintang,
seupi that malam supoet lageina,
hate yang susah meutamah bimbang,
watei teukeunang keu saboeh nama,

hana loen sangka dara loen sayang,

dara pujaan yang that meu harga,
gaseih loen peugah diteim peu ayang,
cinta loen layang dipandang hina,

mungkein diri loen hudeip meulanglang,
keon ureung seunang ngeon ganteng rupa,
sehingga cinta gaseih ngeon sayang,
yang loen rasakan di anggap hana,

rugoe loen galak boeh ramboet leukang,
cabeung that manyang hantroeh geulawa,
rugoe loen rindu loen keunang~keunang,
yang loen harapkan laein meutuka,

seutia payah loen pula kacang,
watei ka panyang ie raya teuka,
moga bahagia dara loen sayang,
meuah loen tuan yang hana daya,,

Karya : Al Azzin