BEIK SALAH PILEIH

lam raga campli beik pasoe kueih,
lam raga bileih beik pasoe bajei,
beik meurakan ngeon ureung paleih,
harta teuh abeih geutanyoe malei,

peudeung pusaka mata that lipeih,
geulhat bak binteih beusanteut ulei,
janji mameih beik that ta pateeih,
akhe dilanggeih tanyoe di tipei,

hana that luka rubah lam tapeih,
hana that seudeih rubah lam abei,
yang cukop sakeit seureuta peudeih,
karoeh ta pateih haba tan teuntei,

mangat beutimoeh ranuep seulaseih,
beu ta teim peugleih sibu peureudei,
mangat na rakan yang jeut tagaseih
beu ta teim pileih yang geot ileumei,

beik mita rakan kaleon asoe keih,
tubai lipeih keon nyan yang peurlei, ,
kaleon yang jujor hate cukoep gleih,

sayang ngeon gaseih taat tiep wate,

Karya : Al Azzin