GASEIH HAN SAMPOE

hana le areuti peuratah busoe,
seubab na jinoe jati jepara,
hana le areuti gaseih uloen nyoe, 
ban na geulantoe laein peumuda,

cukoep that sakeit gaseih han sampoe,
peudeih ban duroe teutop lam dada,
ie mata pieh jitreon meu taloe~taloe,
malam ngeon uroe seungoe teu rasa,

tamsee seulayang putoeh bak taloe,
gadeoh han meuhoe angein raya ba,
meunan ibarat ureung loen pujoe,
ka goeb mat jaroe gaseih meu tuka,

leupah that sayang loen pula jatoe,
rubah meu tampoe buet ie raya ba,
leupah that sayang kecewa dudoe,
cinta gaseih nyoe hana meu harga

meuah loen lakei ka loen beot jaroe,
kadang uloen nyoe na leubeih rasa,
seumoga bahagia gata hai adoe,
beu lagei putroe ngeon sidroe raja,

mungkein keuheundak bak tuhan sidroe,
dua geutanyoe han saleing cinta,
cinta lam hate loen anggap lumpoe,
hana meusampoe han munkein nyata

Karya : Al Azzin